Yen beli
Melali ke Gianyar
De engsap beli singgah di Bitra
Tiang nongos ditu
Yen beli edot ketemu
Kal antiang ape seken beli tresna
Yen melali ke Kuta
De engsap ke Legian
Tresnan beli mula saja
Sing ade keneh anggo plalian
Kel ajak iluih melali
Uli Kuta neked Seminyak
Tresna iluh kel gisi beli
Yening mula saja iluh enyak
Nganginang ke Bedulu
Neked kanti ke Bukit Jati
Bani keh tiang ngugu
Munyin beline manis gati
Lan singgah malu ke Bitra
Kal gaenang beli kopi
Sing care ne malu demen memitra
Ngaenang sakit hati
Ceroring manggis
Buluan batun salak
Manying-manying gigis
Sujatine iluh enyak
Ceroring manggis
Buluan batun salak
Sing ulian pipis
Ne mekade tiang enyak
Semut semut api
Kije laku mulih
Takut takut bani
Takut buin salah pilih
Semut semut api
Kije laku mulih
De luh takut ajak beli
Ane jani iluh sing salah pilih
